موجات الجاذبية - (شرح مبسط جدآ للناس اللى عايزة تفهم كل حاجه عنها .. كل حاجه اكُتشفت لحد دلوقتى)
.
1- ايه هيا موجات الجاذبية دي؟
.
1- ايه هيا موجات الجاذبية دي؟
النسبية العامة لألبرت أينشتين بتتصور الزمان و المكان على انهم نسيج واحد متخيط في بعضه, كأنو مرتبة سفنج ناعمة جدا و رقيقة, لو معاليك جبت كورة حديد وزنها 3 كيلو و حطتها في اي مكان على المرتبة دي ف تقلها هيضغط على سطح السفنج الناعم و ينزّله لتحت, و كل ما الكورة تبقا أتقل تنزل لتحت و ينحني سطح الأسفنج أكتر
خلينا هنا نوضح بقا انو المرتبة الأسفنج دي هيا كل شيء حوالينا ف الكون, كل الفضاء من حواليك و انتا قاعد دلوقت, كل مكان ممكن, فوق و تحت و شمال و يمين و قدام و ورا و الأهم من ده .. جوة, بيتخلل كل كيانك, لأنها مش مرتبة تقدر تشوفها بعينك, دي مرتبة انتا عايش فيها
ألبرت أينشتين في نسبيته العامة تنبأ انو في بعض الحالات المتطرفة الكتلة - الكورة الحديد - مش بس هتتسبب في انحناء الزمكان - السفنجة , لأ, دي كمان هتعمل موجات جذبوية تمشي خلال سطح السفنجة دي, زي بالضبط ما ترمي زلطة ف شوية مية, الحالات دي زي : النجوم المزدوجة (نجمتين بيدورو حوالين بعض) و الثقوب السوداء اللي بتلف حوالين بعضها (2 ثقب أسود بيدورو حوالين بعض ) و دوران النجوم النيترونية (نوع من النجوم كثافته عالية جدا و بيدور بسرعة مهولة) و السوبرنوفا (انفجارات النجوم ) و طبعا البيج بانج نفسه, الحالات دي كلها بتشترك في كونها متطرفة جدا و بتتسبب في اضطراب كبير لسطح السفنجة, بتنشأ منها موجات شبه موجات المية كده
.
3- و دي أول مرة نعرف عن الموضوع ده؟
.
3- و دي أول مرة نعرف عن الموضوع ده؟
النجوم اللي بتلف حوالين بعضها دي بتفقد طاقة مع موجات الجاذبية اللي بتعملها, و طالما بتفقد طاقه يبقا هتقرب اكتر من بعضها, زي بالضبط لما يكون فيه أستك كبير رابط بينك و بين واحد صحبك و انتو بتحاولو تبعدو عن بعض و الاستك يشدكم, كل ما تفقدو طاقة - تتعبو - الأستك يغلبكو و يقربكو من بعض, الموضوع ده مكننا في السبعينات من رصد "أثر" موجات الجاذبية, و حصل كل من جوزيف تايلور و راسل هالس سنة 1993 على جايزة نوبل بسبب رصدهم لنوع جديد من النجوم النابضة - البالسارات - و كانت أحد ملاحظاتهم انو النجمين كل شوية بيقربو من بعض, و توافقت النتائج بدقة مع توقعات أينشتين, لكن ده كان رصد لـ "أثر" موجات الجاذبية مش ليها نفسها
.
4- ليه صعب نرصدها؟
لأنها ضعيفة جدا, يكفيك تعف انو طولها أصغر من قطر الذرة بـ مليار مرة, كان من الضروري اننا نمتلك أجهزة دقيقة للغاية لرصدها, و ده اللي حصل في لايجو LIGO , اللي عنده القدرة انو يسترق السمع لأي انحراف دقيق ناتج من أي تموج جذبوي صادر من أي مكان على بعد 225 مليون سنة ضوئية !
.
5- ايه فايدة الحوار ده كله؟
تقد تقول انو شباك جديد هنقدر منه نبص للكون, نوع جديد تماما من التلسكوبات, علم جديد اتولد, طريقة جديدة هنقدر نعرف بيها معلومات جديدة تماما كنّا عُمي عنها, بدراستنا لموجات الجاذبية اللي خارجة من البيج بانج مثلا هنتعلم أكتر عن أصل الكون و تاريخه في اللحظات الدقيقة جدا الأولى, هينشأ فرع من علم الفلك ليه علاقة بالرصد الجذبوي و دراسة المعلومات اللي هناخدها من وراه و كيفية التعامل معاها , قفزة جديدة للبشرية
.
4- ليه صعب نرصدها؟
لأنها ضعيفة جدا, يكفيك تعف انو طولها أصغر من قطر الذرة بـ مليار مرة, كان من الضروري اننا نمتلك أجهزة دقيقة للغاية لرصدها, و ده اللي حصل في لايجو LIGO , اللي عنده القدرة انو يسترق السمع لأي انحراف دقيق ناتج من أي تموج جذبوي صادر من أي مكان على بعد 225 مليون سنة ضوئية !
.
5- ايه فايدة الحوار ده كله؟
تقد تقول انو شباك جديد هنقدر منه نبص للكون, نوع جديد تماما من التلسكوبات, علم جديد اتولد, طريقة جديدة هنقدر نعرف بيها معلومات جديدة تماما كنّا عُمي عنها, بدراستنا لموجات الجاذبية اللي خارجة من البيج بانج مثلا هنتعلم أكتر عن أصل الكون و تاريخه في اللحظات الدقيقة جدا الأولى, هينشأ فرع من علم الفلك ليه علاقة بالرصد الجذبوي و دراسة المعلومات اللي هناخدها من وراه و كيفية التعامل معاها , قفزة جديدة للبشرية
ملحوظة: ترجمت Gravitational Waves ل موجات جاذبية للتسهيل، و هيا تفرق عن ال Gravity Waves
من Ammar Tarek
