الرحالة البرتغالي الي اكتشف الطريق المباشر من أوروبا للهند بالأبحار حوالين افريقيا .
وكان البرتغاليين بيدوروا علي طريق زي ده من ايام الأمير هنري البحار في القرن الـ13 .. وفي سنة 1488 قدرت بعثة بحرية بقيادة بارتولوميو دياس انها توصل لرأس الرجاء الصالح , وترجع تاني للبرتغال .
الرحلة دي أكدت لملك البرتغال ان الطريق للهند بقي قريب .. بعد كدة ملك البرتغال كلف فاسكو دا جاما انه يرأس بعثة جديدة عشان تروح الهند ..
فاسكو ساعتها كان من النبلاء .. كان من متوسطي الحال يعني .. اتولد سنة 1460 في مدينة سينس البرتغالية ..
أبحر دا جاما في 8 يوليو 1497 بأربع سفن .. وكان معاه 170 بحار .. وكان منهم مترجمين للغات عديدة, وكان منهم مترجمين لغة عربية !
بدأت البعثة رحلتها عن طريق جزر الرأس الأخضر .. وفضل دا جاما موازي للساحل الغربي لأفريقيا , زي بالظبت الي عمله دياس قبل كدة ... وبعدين اتجه ناحية الشرق عشان يوصل لرأس الرجاء الصالح .. والطريق ده كان معروف قبل كدة .. وفضلت السفن بعيده عن الشاطئ مده 93 يوم .. يعني ضعف المدة الي قضتها رحلة كولمبوس لأمريكا !
ولف دا جاما حول رأس الرجاء الصالح يوم 22 نوفمبر .. وبعدين اتجه ناحية الشاطئ الشرقي لأفريقيا .. ووقف عند بعض المدن الي كان بيسكنها المسلمين في مومباسا ومالدني في كينيا .. وفي مدينة مالدني اختار واحد من الهنود الي كانوا هناك انه يدلهم علي الطريق للهند .. وفضلوا 23 يوم عبر البحر العربي . لحد الهند .. وفي يوم 20 مايو 1493 -يعني بعد 10 شهور من رحلته من البرتغال- وصل دا جاما الي كالكتا في الهند .. ورجع دا جاما للبرتغال وهو محمل اطنان من التوابل وقدمها للملك .. وخد معاه بعض الهنود برضو عشان يأكد للناس وللملك انه فعلاً وصل الهند !
في رحلة العودة دي كانت اصعب من الذهاب بكتير .. فضلوا في بحر العرب لوحده 3 شهور .. وفيه عدد كبير جداً من البحارة الي كانوا معاه ماتوا بسبب نقص الفيتامينات والأسقربوط -نقص فيتامين C- والكساح وضربات الشمس ,,, وفيه سفينتين اتحطموا .. ووصلت السفينة الأولي للبرتغال سنة 1499
لكن سفينة دا جاما اتأخرت شوية ووصل بعدها بشهرين
مفيش حد عاش من البحارة بتوعه غير 55 بس من اصل 170 بحار !
R.B Ahmed Salah
