ناس كتير هنا مش فاهمه ميكانيكا الكم فقبل ما نتعمق اكتر لازم الاول نفهم ايه هو الكم
تعريف الكم
الكم هو عبارة عن مصطلح بستخدم لوصف أصغر كمية ممكن تقسيم الطاقة اليها (بمعنى الطاقة بتنتقل في شكل كم) ولا يوجد أصغر منها.و الشحنة الكهربائية برضو عبارة عن كم , اصغر وحده فيها هي شحنة الالكترون و اتجاه مجالها المغناطيسي بيقى ( -1/2 ) او ( +1/2), وده معناه في اتجاه عقارب الساعه او عكس اتجاه عقارب الساعه و بيسمى الاتجاهين دول باعلى او اسفل و بيطلق على الكم بالفوتون و معادلته هي hv حيث h هو ثابت بلانك و v هو التردد .
الجسيمات الاولية
و هي عبارة عن
جسيمات مادية (فيرميونات)
جسيمات القوى ( بوزونات )
الجسيمات المادية
و دي عبارة كواركات و لبتونات
اللبتونات بتحتوي على مجموعة من ثلاث أزواج , و كل زوج عبارة عن جسيم أولي مشحون و التاني غير مشحون , أخف زوجين في الوزن هما الالكترون و نيتوترينو الالكترون
الالكترون معروف ايه هو جسيم بشحنه سالبة , اما نيوترينو الالكترون هو جسيم غير مشحون بتصدره اشعة الشمس بكثرة و بيتفعل بشكل ضعيف جدا , عشان كده ممكن يمر بدون اي عوائق عبر كوكب الارض. و كل ثانية بتمر منها الملاين غبر كل سنتميتر مربع من جسمك و الزوجين التانين من اللبتونات هما : الميون - نيوترينو الميون , التاو - نيوترينو التاو
و هما عبارة عن نسخة بالضبط من الالكترون - نيوترينو الالكترون بس كتلتهم أكبر بكتيير.
طيب ايه لازمة التاو و الميون دي حجات مبنتعاملش معاها كل يوم في حياتنا , دي في اول عشر ثواني من عمر الكون كان ليها دور حاسم في نشأة بنيته, الميون: شبيه غير مستقر للالكترون , بيمتلك كتلة تعادل 207 ضعف كتلة الالكترون و مدى حياة ( الوقت اللي ممكن يفضل فيه الجسيم من غير ما يتحد او يحصله انحلال لجسيم اخر) 2.2 ميكروثانية
التاو : كتلته بتساوي 3490 مرة كتلة الالكترون و كدى حياة اقل ب100 الف مره من الميون
