وليم مورتون
يعني هو يمكن الأسم غريب شوية علي اذان الناس ..
لكن الراجل ده كان له اثر أعمق من كتير جداً من المشاهير .
لإن الراجل ده هو المسئول الأول عن إدخال التخدير في العمليات الجراحية !
فمحصلش في التاريخ إلا قليل جداً , ان لقي اكتشاف من الضجة والأثر العميق .. زي ما لقي التخدير !
حاجة رهيبة فعلاً ان المريض يبقي مفتوح العينين وقت العملية الجراحية ... الطبيب يفتح بطنه , وينشر عظامه !
والمريض بيحس بده كله , وبيصرخ .. فعشان كدة وضع حد للعذاب شئ يستحق عظيم التقدير !
مورتون اتولد سنة 1819 في مدينة شارلتون في ولاية ماساتشوستس الأمريكية , ودرس جراحة الأسنان , ومارس المهنة يعني ... وشارك احد الأطباء في الأهتمام بالتخدير .. لكن المشاركة دي مجابتش نتيجة .
وفي السنوات الي بعد كدة .. لقي دكتور هوراس ويلز طريقة كدة ... هي انه يستخدم (غاز المضحك) .. او الأسم الكيميائي له أكسيد النيتروس .. عشان يخدر الأسنان .. ونجح في كدة !
بس لسوء حظه فشل انه يعرض تجاربه علي الدكاترة .
تخصص مورتون كان في تركيب الأسنان .. وعشان ينجح في عملية زي دي لازم يخلع جذور الأسنان والضروس القديمة .
الموضوع كان مؤلم جداً جداً
وأدرك مورتون ان (الغاز المضحك) مش وسيلة ناجحة لتخفيف الام المرضي .
ولجأ مورتون انه يستخدم الأثير .. وقبل 3 قرون اكتشف الأطباء ان الأثير قادر انه يخدر المرضي .. والي اكتشف الموضوع ده بالأخص دكتور اسمه بارسلسوس ..
لكن الغريب ان محدش من الأطباء كان قادر انه يستخدمه .. يعني كان قبل كدة كلام علي ورق .. مفيش تطبيق عملي !
بعد كدة استخدم مورتون الأثير ده في العمليات الجراحية .. استخدمه الأول في عملية جراحية للكلب بتاعه !
وبعدين استخدمه في انه يعالج سنانه هو .. وبعد كدة اتيحت له الفرصة في 31 سبتمبر لما استخدمه في جراحه واحد من المرضي بتوعه !
المريض ده جاله بيشكي من الآم شديدة في أسنانه .. وكان مستعد انه يستحمل اي نوع من انواع الألم بس عشان يتخلص من اسنانه الي بتوجعه .
فمورتون استغل الموضوع وعرض علي المريض ده انه يستخدم الأثير في العملية .. المريض وافق !
بعد العملية .... المريض فاق بعد التخدير , والمريض قال لمورتون صراحةً .. "انا محسيتش بأي حاجة" !!!!
بعد كدة مورتون عمل عمليات جراحية كتير قدام الأطباء .. ونشرت الصحف الأكتشاف العظيم ده .. وحصلت معارك هائلة بين الأطباء .. مين صاحب الفضل الأول في استخدام الأثير في تخفيف ويلات العمليات الجراحية ؟
واستخدم الأطباء المادة الجديدة , ومحدش افتكر صاحبها .. ولا حتي دفعوله مكافئة علي اي حاجة !
اصيب الدكتور مورتون بعد كدة باليأس والغم .. ودخل في اكتئاب .. ومات فقير سنة 1868 في نيويورك .. وكان موصلش 49 سنة !!
