إن شاء الله البوست ده هيتكلم عن كل حاجة تخص الألعاب الأوف لاين أو الى فيها مالتى بلاير بالاضافة للقصة
أما الألعاب الأونلاين بس زى LOL و سيلك رود هيبقى ليها بوست لوحدها إن شاء الله
أجزاء البوست:
1- ازاى تتأكد إن اللعبة هتشتغل على جهازك
2- تحمل الألعاب منين
3- أنواع الألعاب
4- نُسَخ الألعاب
-----------
1- ازاى تتأكد إن اللعبة هتشتغل على جهازك؟
أول حاجة لازم تبقى عارف ايه هى امكانيات جهازك و عشان تعرفها هتعمل الآتى:
1- كليك يمين على ماى كمبيوتر و تختار Properties و اعرف الى قدام برسيسور و رام بس الباقى كله سيبك منه
2- اعمل الخطوات دى عشان تعرف كارت الشاشة (GPU) بتاعكhttp://i.imgur.com/QDgFP4c.jpg
ثانياً هتخش على موقع من المواقع دى و الى بيجيبلك احتياجات كل لعبة:
بيعرف كل مواصفات جهازك و بيقارنها بمتطلبات اللعبة الى انت عايزها و بيقولك هتشتغل ولا لأ و بكواليتى عالية ولا لأ
بيوريك متطلبات كل لعبة بس بتفصيل أكبر شوية و هتستفيد من تعليقات باقى المستخدمين
*ملحوظة: لو الفرق بين امكانياتك و المطلوب من اللعبة قليل ممكن اللعبة تشتغل عندك مش على High أكيد يعنى بس ممكن تشتغل كويس*
-------------
2-تحمل الألعاب منين؟
|||تحذير: كل الكلام الى جاى ده 100% حرام عشان الألعاب الى أنت هتحملها دى كلها مسروقة لو عايز تمشى حلال اشترى الألعاب من اوريجن أو ستيم عشان محدش يبقى فاكر كل ده حلال و يقولى انت ماعرفتنيش|||
قدامك خيارين الخيار الأول هو التورنت و هتحتاج تحمل برنامج تورنت زى:
BitTorrent و تقدر تحمله من هنا: www.bittorrent.com
uTorrent و ممكن تحمله من هنا: www.utorrent.com
هيبقى ناقصك إنك تخش على http://kat.cr أو أى موقع تورنت تانى تحمل منه ملف اللعبة الّى أنت عايزها و تفتحه و البرنامج هيحمل مع نفسه
الخيار التانى هو التحميل المباشر عن طريق برنامج IDM و ممكن تحمله بباتش التفعيل من هنا: http://www.gulfup.com/?s4XFIJ
|||ملحوظة: استعمال الباتش و عدم شراء البرنامج سرقة و حرام|||
بالنسبة لهتحمل منين فأفضل موقع لتحميل الألعاب بالداونلود مانجر من وجهة نظرى هو http://oceanofgames.com و تقدر تبحث عن اللعبة الى انت عايزها و هتلاقيلها لينك سريع مابيتمسحش و شرح التسطيب بالفيديو
بالنسبة للبرامج الّى أنت محتاجها عشان تشغل الألعاب فهى بتتلخص فى اللينك ده:http://www.gulfup.com/?HMmH6S
---------------
3- أنواع الألعاب:
واحد هيسألنى عن فايدة الجزء ده اقولك إنك ممكن لعبة معينة تلعبها تعجبك جداً كقصة و جيم بلاى فعن طريق التقسيم ده هتقدر تعرف ايه ألعاب تانى زيها أو شبهها
الحاجة الأساسية الى هتكلم عنها هنا هى الجيم بلاى مش القصة:
1- تصويب من منظور الشخص الأول FPS: معناه إن الكاميرا هتبقى من عينين الشخصية الى بتلعب بيها بمعنى إن الى هتشوفه هو السلاح الى انت ماسكه و الى بيحصل قدامك بس و مثال عليها Far Cry, Call of Duty
2- تصويب من منظور الشخص التالت TPS: معناه إن الكاميرا هتبقى من عينين واحد واقف يتفرج ورا الشخصية يمعنى غن الى هيبان من الشخصية هيبقى راسه و كتفه و جزء من ضهره بالإضافة للى بيحصل قدامه طبعاً و مثال عليها سلسة Hitman
3- Simulation: معناه ألعاب المحاكاة و إنك بتتحكم بحياة شخص من كل الجوانب فى علاقاته و حياته مش فى حرب أو معركة بس زى The Sims أو تتحكم بحيوان و تبقى انت الحيوان أو الطائر ده طول القصة زى Goat Simulator
4- Stealth: ألعاب التخفى و الّى بتبقى مهمتك فيها تنفيذ المطلوب منك بأقل عدد من القتلى أو من غير ما حد يعرف بوجودك و إن كان مايمنعش إن بعضها بيديك حرية الاختيار زى Hitman و Splinter cell
5- Strategy: الألعاب الاستراتيجية بتعمل خطط و تجهز مدينتك أو قلعتك أو دولتك للحرب مثلاً و بتحرك الجنود مش اكتر من غير ما تلعب أنت و من أمثلتها Generals و Stronghold Crusader
6- Interactive Movie: ألعاب كل الى عليك فيها إنك تختار من الاختيارات الى بتجيلك كل شوية و على أساسها بيمشى مسار القصة و بتعتمد على القصة اكتر من الجيم بلاى زى The Walking Dead
طبعاً فى أنواع كتير تانى بس حسيت إن دول أهم انواع لغن الباقى تقدر تعرفهم بسهولة زى ألعاب السباق و العالم المفتوح
----------------
4- نسخ الألعاب:
نسخ الألعاب مالهاش دعوة بنوع اللعبة أو القصة أو أى حاجة تانى فنفس اللعبة ممكن تلاقيلها أكتر من خمس نسخ مختلفة
1- Full ISO: أحسن نوع و الى مابيبقاش فيه مشاكل بنسبة 99% و مش ممسوح منه أى حاجة و عيبه إن حجم اللعبة بيبقى كبير جداً بالنسبة لباقى النسخ من أشهرها Skidrow و Reloaded
2- Full Rip مش ممسوح منه حاجة برضه و مزيته إنه بيبقى حجمه أقل بكتير من الفُل ايزو و عيبه إن بياخد وقت كبير جداً فى التسطيب و من أشهر الفرق Kaos و Skullptura
3- Repack و ده النوع الى باحمله شخصياً حجم متوسط سرعة تسطيب متوسطة عيبه إن أحياناً بتبقى فيه مشاكل بس بيبقى ليها حل و من أشهر الفرق R.G Mechanics و nosTEAM و الفريق المصرى BlackBox
4- Portable : أبسط نوع و مش بتلاقيه كتير على النت و بيبقى حجمه كبير جداً جداً و مش محتاج تسطيب كل الى عليك تعمله تفتح ملف .reg
أى استفسار أو سؤال فى كومنت
السلام عليكم و رحمة الله وبركاته.
