بسم الله الرحمن الرحيم هنتعلم انهاردة ازاي تكون مصمم ويب و هنبدا ب اول خطوة في المجال....
-اول حاجة لازم تعرفوها ان الموقع بيتعمل علي مراحل كتير لو كل مرحلة غير التانية بس لازم يكون في تواصل بين ال3 اشخاص اللي هيعملو الموقع لانهم بينقسمو لواحد بيعمل الموقع علي الفوتشوب و واحد بيصمم الموقع ب اكواد و الاخير دة بقا اللي بيخلي الموقع متحرك مش مجرد تصميم
-نبدا اول مرحلة و هي الGraphic Designer
و دة بيكون محتاج يتعلم فوتشوب و برنامج اليستراتور الفايدة من برنامج الفوتشوب هو الالوان و التنسيقات بتاعت الموقع بيعمل بشكل محترف و برنامج اليستراتور بيخليك تعمل لوجو احترافي عشان تزين بي الموقع او تخلي شكل الموقع متناسق طبعا عشان تحترف في المجال دة محتاج تعب شوية في الاول و هتلاقي الدنيا سهلة معاك بس اهم حاجة ابعد عن الكسل و لو عايز كورس احترافي للفوتشوب ممكن تبدا بالكورس دة و تكون خدت اول طريق في مجال احتراف الويب ديزاين
و بعد لما تخلص كورس الفوتشوب دلوقتي وقت برنامج اليستراتور عشان يساعدك علي عمل كود احترافي
وممكن تبدا من هنا و تكون كملت احترافك لمجال التصميم .
-لو خلصت كل اللي فوق دة مبروك انت كدة بقا اسمك Graphic Designer رسمي و دلوقتي ممكن تطبق علي كل اللي خدتو لمدة كبيرة ما بين 3-6 شهور و تنزل تدريب في شركات او ممكن تشتغل في اي موقع للعمل الحر و في مواقع كتير لكدة
-Freelancer.com
-Upwork.com
-خمسات
-مستقل
.
-دول من المواقع الكويسة للعمل و طبعا في اكتر من 200 موقع انت و احترافك بقا و حاول تبذل اقصي جهد عندك عشان هتخش في عالم منافسة مع ناس في نفس المجال بتاعك و لازم تتعلم ازاي تسوق لنفسك و ازاي تخلص الشغل بتاعك في اقل وقت و بافضل جودة عشان العميل يطلبك مرة تاني.
و بكدة نكون انتهي موضوع الGraphic Designer و مبروك انت كدة خلصت اول خطوة في مجال تصميم المواقع الموضوع اللي جي هيكون عن تصميم الموقع ب اكواد اللي هو Front End Developer.
