بسم الله الرحمن الرحيم
5 اضافات extensions للمتصفح، هايسعدوك في شغلك في التصميم
الأول: Muzli
ودة بيجيبلك كل البوستات الجديدة اللي نزلت في أغلب مواقع ومنصات التصميم زي Behance، Dribbble، Fubiz وغيرها في كل مرة بتفتح فيها تاب جديدة في المتصفح، وبكدة بتكون updated بكل جديد في عالم التصميم.
الثاني: Fontface Ninja
ودة اي خط عجبك وانت بتتصفح في الويب بتقدر تعرف اسمه وال attributes بتاعته زي حجمه وسمكه... والجميل كمان ان لو في مصادر متاحة اتنزيل الfont دة بقولك عليها
الثالث: Palette Creator
كتير مننا بتعجبه ألوان بعض الصور، الاضافة دي بتمكنك من استخراج بالتة الالوان من الصورة دي بأكتر من طريقة.
الرابع: MeasureIt
لو محتاج تعرف مقاس الصور المناسبة لتصميماتك، أو عايز تحدد اي موقع في الصفحة وتعرف مقاس الجزء دة قد ايه، تقدر تعرفها عن طريق الاضافة دي بكل سهولة.
الخامس: Awesome Screenshot
الاضافة دي بتمكنك من انك تاخد صفحة كاملة من أي موقع انت فاتحه أو جزء منها كاسكرين شوت ودي طبعا ممكن تفيدك جدا لو محتاج تعمل بريزنتيشين لأي موقع
منقول من بيدج Hyaak للافادة
