بسم الله الرحمن الرحيم
سؤال كلنا عايزين ليه اجابه ، بصو كلنا اهملنا السؤال نفسه واهتمينا بالاجابه ودورنا عليها مع انك لو فهمت السؤال هتعرف الاجابه ،انت مع الممارسه هتتعلم ازاي تذاكر وهتكتسب خبرات بس ابدء متكتفيش بطرح السؤال بس!
المهم في منهج الفلسفه 3 ثانوي في درس مهم جداً اسمه "أسس الاستذكار الفعال"
كانو حاطين وحده كامله عن التعلم والتعليم بعدين حذفوها مع انها افيد من ال جابوه مكانها عموماً سابو الدرس دا ، فايدته ايه ؟
الدرس فيه 4 عناصر مهمين عشان تذاكر :-
1-"الانتباه" كلنا بنضيع المعلومات وبننساها بسبب اننا مبنىكزش انتباهنا كله بيبقا في حاجه تاني ودي مشكله سببها 5 حجات لازم نظبطهم وهم :
أ-نخصص وقت للمذاكره ووقت للنوم ووقت للأكل ووقت لشرب ووقت للعب ،تنظيم الوقت مهم عشان اليوم ميضعش
ب-نخصص مكان معين للمذاكره يعني مينفعش تذاكر ع السرير! ولا ينفع تذاكر ف الشارع! ، لازم مكان هادي فيه تهويه كويسه شباك وكدا ومكتب والضوء يكون اتجاهه ع الكتاب
ج-مينفعش تقعد اليوم كله ع الكتاب ، مش هتفهم وجسمك خيبوظ وهتتعب فلازم من وقت لتاني تلعب رياضه يعني مثلاً حددت هتذاكر نص ساعه و5 دقايق راحه تلعب رياضه ف ال5 دول
د-نفترض ان جيرانك عندهم فرح والثوت عالي وانت تاني يوم صابح انتحان ولازم تذاكر هتعمل ايه؟ مش هتقدر عشان انت متدربتش ع كدا من الاول! فلازم ندرب من دلوقتي اننا نذاكر في اي وقت واي ظروف واي مناخ حتى لو بتموت لازم تدرب ع انك تذاكر وانت بتموت
و- مينفعش تذاكر وانت بتفكر ف مشاكلك مع اهلك وصحابك ومش عارف خايف ن الامتحان وكلام اهبل كدا لازم قبل م تذاكر تحاول تطلع نفسك من المشاكل دي وارجعلها لما تخلص ياسيدي
2-زيادة الرغبه ف المذاكره بالمعنى الصريح انت هتذاكر ليه؟؟؟
أ-عشان تزود الرغبه لازم يكون عندك هدف اكبر منك تبقا مش متوقع انك ف تبدء تشتغل بجهد اكبر عشان توصل
ب-تتنافس مع نفسك تقول لازم اوصل لد، لازم اكون افضل ، لازم لازم لازم
ج-تحديد وقت معين للأنتهاء من المذاكره ، نثلاً تقول هذاكر النص ف نص ساعه تبدء تذاكر النص ساعه ميهمش الكنيه ال ذاكرتها المهم ال هتطلع بيه ف النص واول م النص ساعه تخلص تسيب النص وتاخد البريك حتى لو ذاكرت بيتين بس فيه عادي المهم انك فهمت + في بحث كدا قريته ان عقلك بيستوعب كل المعلومات ويحفظها ف اول 45 دقيقه ف متضغكش ع نفسك وخد بريك كل 45 او نص ساعه
3-المشاركه النشطه "دا الدور الايجابي منك"
أ-تراجع ع الدروس كل شويه عشان متنسهاش والمراجعه مش هتاخد منك 5 دقايق
ب-تلخص الدرس وتكتبه بأيدك وتحط اسئله انت مع نفسك وملاحظات وتمتحن نفسك ع كل درس لو عملت كدا مش هتنسى الدرس تاني
4-القراءه الجيده ، كلنا بنقرا غلط وقراية جرايد فدول 4 طرق عشان تقرا كويس
أ-تقرا الدرس كله مرتين بتركيز بعدين تقرا جزء جزء وتفهمه كويس
ب-تربط بين المعلومات ال ف الدرس ومعلومات قديمه عندك ف دماغك يعني انت قريت معلومه ع الفيس عن اي مجال وجه الدرس كان بيتكلم ع نفس الحاجه اربطهم ببعض وافهم الدرس ج-متكتفيش بحفزك لدرس لا لازم تفهم هو غرضه ايه؟ هستفاد منه ايه؟؟ وتبحث عنه ف النت وحياتك وتناقش الناس
د-متبقاش بتقرا وتبص لسقف بتاعكو ولا نايم ع السرير او بتفكر ف المزه وعنيك شايفه الكلام وبوقك بيردد ع الفاضي ، لازم تقرا وعنيك ع الكلمه تحفظ شكلها وتركز فكل كلمه
اخيراً شوية نصايح مني :
بالنسبه للي لسه داخلين 1 و 2 ثانوي :
1-تهتم بالغات عربي انجليزي فرنساوي بس طول السنه
2-تعمل بالكلام ال فوق يعني تحدد كل يوم ساعتين تذاكر فيه لغه وتحفظ كلمات كتيره
3-العب وكل حاجه بس متهملش عشان لما تدخل تالته متتعبش زي كدا مفشوخ بذاكر ف اللغات ال عليا السنادي وال كان عليا ف 1 و 2
4- باقي المواد هتلاقي في كتاب المدرسي ف نهاية اخر وحده ورقة حل لكل فصل حلها وهتجيب النهائيه او خود مع مدرس ال بيحط الامتحان اخر شهر ، عشان المواد دي مش مهمه ف 3 اغليها حفظ لو ادبي ولو علمي علوم برضو وسهلين كله بيقفلهم الا اللغات ورياضه دول مفشخوين حجات جديده عليهم
نصايح ليا شخصين ولينا كلنا
-الصلاة وقربو من ربنا بيديك امل انك تذاكر
-متبخلش ع حد بمعلومه من اصحابك دا هيساعدك انت اكتر
-متذاكرش عشان تنجح او تحفظ زي الحمار انت لازم تفهم وتطبق ع حيأتك العمليه الكلام دا وعشان تفهمو كلامي بشكل عام شوفو فيلم 3idiots
اخيراً ادعولي لعل دعاء حد يستجاب ، السنادي مهمه ليا جداً ومحتاج مجموع عالي عشان ادخل الكليه ال عايزها ، ربنا معاكو
