الثقوب السوداء الجزء التاني
بعد مفهمنا الفرق بين السقوب السوداء و الاجرام التانيه نتعمق اكتر بقىدلوقتي في شوية اسئله من الجزء الاول يعني ايه قطع الترامبولين
هو انت زي ما تحط طوبة زي متحط حجارة زي ما تحط وزن 100 كيلو اكيد لا
مع زيادة الوزن هيزيد انحناء الترامبولين واحده واحده بس للاسف الترامبولين ليه مرونة معينة لو زارد الوزن خالص الترامبولين ده هيتقطع, بردو الزمكان كده ليه مرونه معينه لو زاد عنها الزمكان ده هيتخرم بالنسبة بقى الضوء بيروح فين فده لو عرفنا نجاوبو اضمنلكو احنا هناخد نوبل و احنا حاطين رجل على رجل
طيب نتعمق شوية و نعرف هيا المعلومات الفيزيائية ( زي الاجسام و كده )
بتروح فين و هندخل في حتة اسمها information loss paradox
او بالعربي مفارقة فقد المعلومات
اينشتاين بيقول ان اي حاجه هتدخل الثقب الاسود هتتدمر
بس ميكانيكا الكم بتقول مفيش حاجه اسمها معلومة فيزيائية تدمر
طيب و العمل ايه مهو ميكانيكا الكم نظريتها مثبته و النسبية مثبته
ولازم حد من الاتنين صح جه
عالم اسمو ستيفن هوكينج حاول ينشر حل
قالك يمكن المعلومات مبتتدخلش الثقب من اصلو
ففترض ان الثقب عبارة عن CD بتفضل المعلومات محفوظة على افق الحدث على شكل هولوجرام ثنائي الابعاد و متتطلعش غير بعد ميتبخر الثقب الاسود بالكامل يعني بعد ميليارات ترليونات السنين.
الجزء اللي جي هنتعمق اكتر و اكتر
معلش انا بنزل جزء صغير في جزء صغير عشان لو نزلت اجزاء كبيرة الاسئلة هتبقى كتير و مش هعرف اجاوب على حد
